Qiyabi təhsil

2024/2025-ci tədris ilinə bakalavriat səviyyəsində qiyabi təhsil forması tələbələrinin məşğələ, laboratoriya-imtahan sessiyalarının, Buraxılış Yekun Dövlət Attestasiyasının keçirilməsi müddətləri barədə

Azərbaycan Respublikası Nazirlər Kabinetinin 2010-cu il 24 iyun tarixli,117 nömrəli qərarı ilə təsdiq edilmiş “Bakalavriat (əsas (baza ali) tibbi təhsili) təhsilinin məzmunu və təşkili Qaydaları”nın 2-ci bəndinin 2.8 yarımbəndini rəhbər tutaraq

ƏMR EDİRƏM:


1. 2024/2025-ci tədris ilində bakalavriat səviyyəsində qiyabi təhsil formasının tələbələrinin məşğələ, laboratoriya-imtahan sessiyalarının, Buraxılış Yekun Dövlət Attestasiyasının keçirilməsi müddətləri aşağıdakı kimi müəyyənləşdirilsin:

I çağırış, 2024-cü il

V kurslar sentyabrın 16-dan oktyabrın 05-dək;
I kurslar oktyabrın 07-dən 26-dək;
II kurslar oktyabrın 28-dən noyabrın 16-dək;
III kurslar noyabrın 18-dən dekabrın 07-dək;
IV kurslar dekabrın 09-dan 28-dək.

II çağırış, 2025-ci il

V kurslar fevralın 17-dən martın 08-dək;
I kurslar fevralın 24-dən martın 15-dək;
II kurslar martın 31-dən aprelin 19-dək;
III kurslar aprelin 21-dən mayın 03-dək;
IV kurslar mayın 05-dən 24-dək.

Diplomqabağı ixtisas təcrübəsi 2025-ci il aprelin 07-dən mayın 03-dək;
Buraxılış Yekun Dövlət Attestasiyası 2025-ci il iyunun 16-dan iyulun 5-dək.

2. Tədris təcrübəsi və bakalavriat səviyyəsində qiyabi təhsil forması üzrə kadr hazırlığı həyata keçirən fakültələr 2024/2025-ci tədris ilində qiyabi təhsil forması tələbələrinin məşğələ, laboratoriya-imtahan sessiyalarının (I,II çağırış), Buraxılış Yekun Dövlət Attestasiyasının keçirilməsində bu əmrin birinci bəndində təyin olunmuş müddətləri əsas götürsünlər.

3. Fakültə dekanlarına tapşırılsın ki, tələbələri çağırış müddətləri barədə əvvəlcədən müəyyən olunmuş qaydada məlumatlandırsınlar.

4. Mətbuat və ictimaiyyətlə əlaqələr şöbəsi əmrin birinci bəndində göstərilmiş çağırış müddətlərini universitetin rəsmi saytında və sosial şəbəkə hesablarında elan etsin, rəsmi saytın qiyabi təhsil üçün nəzərdə tutulmuş bölməsində yerləşdirsin.

5. Ümumi şöbə əmrin fakültələrə çatdırılmasını təmin etsin.

6. Əmrin icrasına nəzarət tədris şöbəsinin müdiri Elay Zeynallıya tapşırılsın.

ƏSAS: Tədris şöbəsinin müdiri Elay Zeynallının təhriri məruzəsi

Tədris işləri üzrə prorektor
Əhməd Məlikov
Sosial şəbəkələrdə paylaş: