“Aqrar İnkişaf Könüllüləri” Kənd Təsərrüfatı Nazirliyinin regionlardakı Dövlət Aqrar İnkişaf Mərkəzlərində (DAİM), Nazirliyin şöbələrində, elmi-tədqiqat institutlarında və ixtisaslaşmış laboratoriyalarında fəaliyyət göstərir. Könüllülərin məqsədi aqrar sahənin inkişafı üçün çalışan könüllü cəmiyyəti formalaşdırmaqla gələcəkdə bu sahədə fəaliyyət göstərəcək ixtisaslaşmış kadrların yaranmasına, innovativ texnologiyaların və mövcud resursların səmərəli istifadəsinin təbliği ilə bu sahənin dayanıqlı inkişafına töhfə verməkdir.

Bitkiçilik, elektron kənd təsərrüfatı sisteminin tətbiqi və təbliği, yeni bazar alətlərinin istifadəsi, torpaqların keyfiyyət meyarlarının ölçülməsində fermerlərə dəstək və innovativ texnologiyaların tətbiqində iştirak etmək “Aqrar İnkişaf Könüllüləri”nin fəaliyyətlərinə daxildir.








Bundan əlavə, aqrar sahədə ixtisaslaşmış gənc kadr potensialının artırılması məqsədilə “Aqrar İxtisaslaşmış Jurnalistlər”, “Auditoriyadan Tarlaya” və digər layihələr həyata keçirir. Gübrələrdən düzgün istifadə etmək, torpaqlarda məhsuldarlığın artımına nail olmaq üçün, laboratoriyalardan istifadənin vacibliyini aşılamaq məqsədilə həyata keçirilmişdir.

Kluba üzvlük qaydası:
Aqrar İnkişaf könüllüləri sırasında fəaliyyət göstərmək istəyən, ADAU tələbələri müraciət edə bilərlər.