“Gənc Aqrar jurnalistlər” klubunun təsis edilməsi universitet tələbələri üçün yeni imkanlar açacaqdır. Tələbələr Universitetimizdə fəaliyyət göstərən “ADAU-TV”də fəaliyyət göstərəcəklər.
Gənclərin bilik və bacarıqlarının artırılması, xalqımızın milli-mənəvi dəyərlərinin qorunması və təbliği, yüksək peşəkarlığa və geniş dünya görüşünə malik jurnalist kadrlarının hazırlanması, yaradıcılıq müsabiqələrinin, tələbələrin tanınmış jurnalistlər, ictimai xadimlər və yazarlarla görüşlərinin təşkili, bütün sahələrdə medianın maarifləndirmə funksiyası ilə bağlı tədbirlərin həyata keçirilməsi klubun əsas fəaliyyət istiqamətləridir.
Kluba üzvlük qaydası:
Jurnalistika sahəsinə maraq göstərən və bu sahədə bilik və bacarıqlarını aşkara çıxarmaq istəyən ADAU tələbələri müraciət edə bilərlər.