Tələbələr asudə vaxtlarını səmərəli keçiriblər

Azərbaycan Dövlət Aqrar Universitetinin Tələbə Gənclər Təşkilatı tələbə gənclərin asudə vaxtlarının səmərəli təşkili,onların sağlam həyat tərzi yönümündə müxtəlif məzmunlu layihələri davamlı şəkildə hazırlayaraq həyata keçirir. 26 aprel 2018-ci il tarixdə bu layihələrin davamı olaraq universitetin Aqrobiznes və İdarəetmə fakültəsində təhsil alan 40 tələbə Azərbaycan Dövlət Aqrar Universitetinin Aqronomluq ,Baytarlıq Təbabəti və Zoomühəndislik fakültələrində, habelə müasir ferma kompleksində olublar. Onlar fakültələrdə yaradılan laboratoriyalarla yaxından tanış olub,universitetin heç yerdə rast gəlinməyən bir sıra muzeylərini ziyarət ediblər. Tələbələr sonda universitetin onlara göstərdiyi diqqət və qayğıdan, yaradılan şəraitdən hədsiz razı qaldıqlarını bildiriblər.