ADAU TV youtube kanalı

2019-cu il sentyabrın 17-də Azərbaycan ADAU-nun eyniadlı yeni internet televiziyası yaradılıb. ADAU TV-nin ilk efiri oktyabr ayının 1-də baş tutub. Onlayn televiziyanın yaradılması bir əsrlik şərəfli yol keçən universitet üçün daha bir yenilik kimi tarixə düşüb. İnternet TV-nin yaradılmasında məqsəd baş verən yenilikləri daha geniş auditoriyaya yaymaq, tələbə həyatının bütün sahələrini əhatə etməklə debatlar, canlı verilişlər hazırlamaqdır. Eyni zamanda tələbələrin səmərəli vaxtlarının qiymətləndirilməsi, intellektual biliklərinin inkişaf etdirilməsi istiqamətində yarışmalar da keçirilir. Fermerlər və torpaq  mülkiyyətçilərinin maarifləndirilməsi, yeniliklərin onlara çatdırılması üçün də internet televiziyasının efirində bir-birindən maraqlı müxtəlif səpgili verlişlər təqdim edilir.

Artıq ADAU TV verilişləri və birbaşa canlı dərs yayımları ilə kifayət qədər tamaşaçı sayı qazanıb. Koronavirus pandemiyası dövründə 500 onlayn dərsin yayımlanması və onun yutub sosial şəbəkəsi vasitəsilə arxivləşdirilməsi isə sübut etdi ki, zamanın pandemiya bəlasında tələbə dərslərdən kənarda qalmadı və tədris proqramına uyğun istənilən dərsi ya izləyə bildi, ya da arxiv vasitəsilə tapıb dinlədi.

Zamanında hazırlanan maraqlı verilişlərdən “Beyinlər yarışır”, “Canlı efirlər”, “Fermer saatı”, “Şahmat vaxtı”, “Uğurlu məzunlar” və s. ən çox izlənən TV proqramı kimi yadaşlarda qalıb. Hazırda isə ADAU TV yenidən canlı yayımlarla efir auditoriyasını genişləndirməkdədir. Online dərslərlə yanaşı təcrübə təsərrüfatlarından bir başa bağlantılarla tamaşaçılarının görüşünə gəlir. Təbii ki, tələbələr auditoriyalar qayıtdıqdan sonra adı çəkilən verilişlər daha incə və müasir formada yenidən tələbələrlə üz-üzə olacaq. Bizi izləyin!